आजऱ्यातील
उर्दू शाळेचे यश
आजरा ः जिल्हा परिषदेतर्फे घेतलेल्या चौथी प्रज्ञाशोध परीक्षेत (उर्दु विभागात) येथील ऊर्दु विद्यामंदिर शाळेतील विद्यार्थ्यांनी जिल्हा व तालुकास्तरावर यश मिळवले. ओवेस वसीम पटेल याने जिल्ह्यात दुसरा क्रमांक तर उमामा मन्सुर बुखारी हिने तिसरा क्रमांक मिळवला. शफी तकीलदार हिने तालुक्यात द्वितीय, सादिया आरिफ मालदार हिने सहावा, रिजा इरफान आगलावे हिने आठवा क्रमांक पटकावला. बशाअर जावेद चाँद, माहीन मुबारक मुजावर, हुमेरा अमजद मुल्ला यांनी अनुक्रमे अकरावा, बारावा व पंधरावा क्रमांक मिळवला. मिनाद नुरमहमद नदाफ, यूनूस कासिम नाईक यांचे त्यांना मार्गदर्शन लाभले. गटशिक्षणाधिकारी बसवराज गुरव, उर्दु शिक्षण विस्तार अधिकारी मुला ईलाही सुतार, सुनिल चंद्रमणी, मुख्याध्यापक यूनुस लाडजी व शिक्षकांचे प्रोत्साहन लाभले.