रोमहर्षक खेळांसह निसर्गाचा आनंद लुटा
‘सकाळ’, व्हर्टिकल ॲडव्हेंचर पार्क तर्फे रविवारी समर फन कॅम्प

कोल्हापूर, ता. २४ : सकाळ माध्यम समूह व व्हर्टिकल ॲडव्हेंचर पार्कच्या संयुक्त विद्यमाने एकदिवसीय समर फन कॅम्पचे आयोजन केले आहे. रविवारी (ता. २८) दिवसभर आनंद द्विगुणीत करण्यासाठी हा समर कॅम्प वेगळा ठरणारा आहे. 
निसर्गसंपन्न मसाई पठाराचा प्रदेश, इतिहासाची साक्ष देणाऱ्या पन्हाळा किल्ल्याचे सान्‍निध्य, अशा वातावरणात रोमांच निर्माण करणारा साहसी अनुभव मिळणार आहे. स्वतःच्या शारीरिक व मानसिक क्षमता अजमावणाऱ्या व्हर्टिकल ॲडव्हेंचर पार्क येथे अस्सल रोमहर्षक खेळांसह निसर्गाचा मनमुराद आनंद लुटता येणार आहे. यामध्ये अनेक ॲडव्हेंचर ॲक्टिव्हिटी आहेत. यामध्‍ये मुलांसह पालकांनाही प्रवेश आहे. कॅम्पमध्ये झिप लाईन, हाय रोप, बंजी इजेक्शन, स्पोर्टस् क्लायंबिंग, रॅपलिंग, स्लॅक लाईन, प्लॅन्क रेस, रस्सीखेच असे प्रकार असतील. चहा व नाश्ता, दुपारी शाकाहारी जेवण आहे. सशुल्क असणाऱ्या या कॅम्पमध्ये ग्रुप बुकिंगवर आकर्षक सूट देण्यात येणार आहे. कॅम्पमध्ये सुरक्षिततेच्या नियमांवर प्रशिक्षण दिले जाईल आणि तुम्हाला सर्व आवश्यक सुरक्षा उपकरणे पुरविली जातील.
व्हर्टिकल ॲडव्हेंचर पार्क हे सर्व कुटुंबासाठी मज्जा करण्याचे ठिकाण आहे. येथे विविध कौशल्यांच्या पातळीसाठी योग्य असलेल्या क्रिया दिल्या जातात. त्यामुळे लहान मुले ते मोठे लोक सर्वजण आनंद घेऊ शकतात.

चौकट
माहिती व प्रवेशासाठी येथे करा संपर्क
व्हर्टिकल ॲडव्हेंचर पार्क हे तुमच्या शारीरिक आणि मानसिक क्षमतेचे परीक्षण करण्याचा एक उत्तम मार्ग आहे. चढाई आणि इतर क्रिया तुमच्या स्नायूंना मजबूत करतील. तुमचे समन्वय सुधारतील आणि तुमचा आत्मविश्वास वाढवतील.
अधिक माहिती व प्रवेश निश्चितीसाठी संपर्क : सूरज जमादार - ९५५२५८१९१८.