80493
जान्हवी चौगुले
................
एमटीएलटीएच्या क्रमवारीत
जान्हवी चौगुले ‘टॉप १०’मध्ये

सकाळ वृत्तसेवा
इचलकरंजी, ता. २९ : महाराष्ट्र राज्य टेनिस संघटनेने (एमएसएलटीए) राज्यातील टेनिस खेळाडूंची क्रमवारी नुकतीच जाहीर केली. त्यामध्ये इचलकरंजीच्या जान्हवी चौगुलेचा १४ वर्षांखालील मुलींच्या गटात पहिल्या दहा क्रमांकांत समावेश करण्यात आला. जान्हवीच्या या कामगिरीने वस्त्रनगरीची मान उंचावली आहे.
इचलकरंजी टेनिस असोसिएशनच्या क्रीडांगणावर जान्हवी सराव करीत असून, विविध स्पर्धांमध्ये नियमित सहभाग घेत आहे. जान्हवीने राज्य संघटनेने पुरस्कृत केलेल्या पुणे शहर व जिल्हा टेनिस चॅम्पियनशिप (बालेवाडी) पुणे, ऑल इंडिया रँकिंग सेरीज, नव सह्याद्री क्रीडांगण, पुणे, ओम दळवी स्मृती टेनिस चॅम्पियनशिप (औंध), पुणे आदी स्पर्धांत अंतिम स्पर्धेपर्यंत मजल मारली. जान्हवीला तिच्या यशाविषयी विचारले असता तिने, कठोर मेहनत, नियमित सराव आणि अधिकाधिक स्पर्धांत सहभाग ही यशाची त्रिसूत्री असल्याचे सांगितले. तिला सिराज शेख, शीतल भोसले, इचलकरंजी टेनिस असोसिएशनचे सचिव अजित कुलकर्णी यांचे मार्गदर्शन लाभले.
....................