चित्रपट अनुदानासाठी
आज मुंबईत
निर्मात्यांची बैठक

कोल्हापूर ः शासनाने अपात्र ठरवलेले चित्रपट पात्र ठरवून अनुदान द्यावे, या मागणीसाठी मंगळवारी (ता.३०) मुंबईत निर्मात्यांची बैठक होणार आहे. दादर येथील दादासाहेब फाळके पुतळा परिसरात ही मंडळी एकवटणार आहेत. याबाबत निर्माते अनिल काशीकर यांनी पत्रक प्रसिद्धीस दिले आहे. आजवर अनेक चित्रपट केले. ‘मिंगो’ या चित्रपटाला रसिकांचा मोठा प्रतिसाद मिळूनही शासनाने अनुदान नाकारले. सांस्कृतिक मंत्र्यांकडे वारंवार पाठपुरावा करुनही कोणतीच सकारात्मक कार्यवाही झाली नाही. असेच अनुभव अनेक निर्मात्यांना आले असून, ही मंडळी अपात्र ठरवलेल्या चित्रपटांना पात्र ठरवून अनुदानाची मागणी करणार आहेत, असे पत्रकात म्हंटले आहे.