ich296.jpg

80652
इचलकरंजीत बसच्या
धडकेत वृद्धा ठार
इचलकरंजी, ता. २९ ः भरधाव ट्रॅव्हलर्स बसच्या धडकेत जखमी झालेल्या सुभद्रा अर्जुन सोकाशे (वय ६५, रा. यड्राव, ता. शिरोळ) यांचा मृत्यू झाला. त्यांच्यावर आयजीएम रुग्णालयात उपचार सुरु होते. या घटनेची नोंद शहापूर पोलिसांत झाली. याप्रकरणी बसचालक उत्तम शंकर शिंदे (वय ५३, रा.गडमुडशिंगी, ता.करवीर) याला पोलिसांनी ताब्यात घेतले आहे. सुभद्रा यांचा मुलगा ज्ञानेश्वर यांचे सांगली रोडवर हाॅटेल आहे. या कामात त्यांना आई सुभद्रा मदत करतात. त्या हाॅटेलकडे जाण्यासाठी रस्ता ओलांडताना बसने जोरदार धडक दिली. यामध्ये त्यांच्या डोकीला गंभीर इजा झाली. त्यांना तातडीने आयजीएम रुग्णालयात उपचारासाठी दाखल केले. उपचार सुरु असताना त्यांचा मृत्यू झाला. याबाबतची तक्रार ज्ञानेश्वर अर्जुन सोकाशे (वय ४७, रा. ओंकारेश्वर मंदिरजवळ यड्राव) यांनी शहापूर पोलिसांत दिली.