‘रवळनाथ’ कर्मचाऱ्यांच्या
महागाई भत्त्यात वाढ
सकाळ वृत्तसेवा
गडहिंग्लज, ता. २ ः श्री रवळनाथ को-ऑप. हौसिंग फायनान्स सोसायटीच्या कायम सेवेतील कर्मचाऱ्यांच्या महागाई भत्त्यात १० टक्के वाढ केली आहे. १ एप्रिल २०२४ पासून ही वाढ देण्यात येत आहे, अशी माहिती संस्थेचे संस्थापक-अध्यक्ष एम. एल. चौगुले यांनी दिली.
ते म्हणाले, ‘सभासदांचा विश्वास, कर्मचाऱ्यांचे सहकार्य व परिश्रमामुळे संस्थेची प्रगती अखंडित सुरू आहे. कर्मचाऱ्यांना महागाई भत्त्यात वाढ देण्याचा निर्णय संचालक मंडळाने घेतला आहे. परिणामी कर्मचाऱ्यांच्या वेतनात वाढ होणार आहे. वाढ केल्यामुळे कर्मचाऱ्यांतून समाधान व्यक्त होत आहे. ३१ मार्च २०२४ अखेर संस्थेत १३५ कर्मचारी आहेत. एप्रिल २०१४ पासून कर्मचाऱ्यांना सहाव्या वेतन आयोगानुसार वेतन दिले जाते. प्रॉव्हिडंट फंड, ग्रॅच्युईटी, पेन्शन, मेडिक्लेम, पगारी रजा, बोनस आदी लाभ दिले जातात. डॉ. आर. एस. निळपणकर, डॉ. दत्ता पाटील, डॉ. किरण पोतदार, प्रा. विजय आरबोळे, डॉ. मनोहर पुजारी, मीना रिंगणे, उमा तोरगल्ली, रेखा पोतदार, सीईओ डी. के. मायदेव, व्यवस्थापक शिवानंद घुगरे, प्रशासन अधिकारी सागर माने उपस्थित होते.