महापालिकेमध्ये
स्वच्छता मोहीम
इचलकरंजी, ता. २ : महापालिकेच्या मुख्य प्रशासकीय कार्यालयाच्या परिसरात स्वच्छता मोहीम राबवली. आयुक्त ओमप्रकाश दिवटे यांनी स्वच्छता करण्याचे आदेश आरोग्य विभागास दिले होते. त्यानुसार आरोग्य अधिकारी डॉ. सुनीलदत्त संगेवार यांच्या मार्गदर्शनाखाली आणि विजय पाटील यांच्या नियंत्रणाखाली ही स्वच्छता मोहीम राबवली. या मोहिमेत आरोग्य विभागाच्या सुमारे ३०० सफाई कर्मचाऱ्यांनी दोन ट्रॉली कचरा गोळा केला. मोहिमेत मुख्य स्वच्छता निरीक्षक महादेव मिसाळ, स्वच्छता निरीक्षक संग्राम भोरे आदींनी सहभाग घेतला. त्यासाठी कार्यकारी अभियंता सुभाष देशपांडे, शहर अभियंता महेंद्र क्षीरसागर, अभियंता बाजी कांबळे यांनी सहकार्य केले.