83182 मयत दिनेश सोळांकूरकर

83183 संशयित आरोपी ः सन्मेश तेंडुलकर
...
दारूच्या नशेत मित्राचा गळा आवळून खून
राजारामपुरीतील घटना ः फ्लॅटवर राहण्यास आला असता प्रकार
सकाळ वृत्तसेवा
कोल्हापूर, ता. १२ ः मद्यधुंद अवस्थेत शिवीगाळ केल्याच्या रागातून दिनेश अशोक सोळांकूरकर (वय ३४, रा. रेखानगर, गारगोटी) याचा मित्रानेच गळा घोटल्याचा प्रकार उघडकीस आला. राजारामपुरी सातव्या गल्लीतील कोटणीस हाईट्स इमारतीत रविवारी पहाटेच्या सुमारास हा प्रकार घडला. याप्रकरणी सन्मेश अशोक तेंडुलकर (५४) याला अटक करण्यात आली आहे.
सन्मेश तेंडुलकर हा राजारामपुरीतील फ्लॅटमध्ये एकटाच राहतो. त्याने फायनान्स कंपनीतून निवृत्ती घेतली आहे. त्याची पत्नी विभक्त राहत असून तो दारूच्या आहारी गेला होता. त्याचा दूरचा नातेवाईक व मित्र दिनेश सोळांकूरकर हा दोन दिवसांपासून त्याच्याकडे राहण्यास आला होता. दोघांनी रात्री एकत्रच मद्यपान केले होते.
...
प्रेमप्रकरणात मध्यस्थी करण्याची गळ....
दिनेश याने काही महिन्यांपूर्वी एक फायनान्स कंपनी काढली होती; पण यामध्ये त्याला मोठा तोटा सहन करावा लागल्याने त्याने हा व्यवसाय बंद केला होता. नातेवाईक असलेल्या तेंडुलकरकडे यानिमित्ताने सल्ला घेण्यासाठी त्याचे येणे-जाणे होते. त्याच्या एका प्रेमप्रकरणात सन्मेशने मदत करावी, यासाठी तो वारंवार त्याला गळ घालत होता.
...
फ्लॅटवर वादावादी...
दिनेश दोन दिवसांपासून राजारामपुरीतील सन्मेशच्या फ्लॅटवर मुक्कामास होता. शनिवारी रात्री दोघांनीही एकत्र मद्यपान केले. पहाटेच्या सुमारास त्यांच्यात वाद झाला. दिनेशने शिवीगाळ व मारहाण केल्याच्या रागातून संशयित तेंडुलकरने दिनेशचा पाठीमागून जोरात गळा आवळला. यातच तो गतप्राण झाला.
...
पोलिसांना फोनवरून दिली माहिती
संशयित सन्मेश दोन-तीन तास मृतदेहाजवळ बसून होता. अखेर त्यानेच पोलिस हेल्पलाईनवर आपण मित्राचा गळा आवळल्याचे सांगितले. पोलिस निरीक्षक अनिल तनपुरे यांच्यासह सहायक पोलिस निरीक्षक विकास आडसूळ, समीर शेख, अरविंद पाटील, रंगराव चव्हाण, हरीश सूर्यवंशी घटनास्थळी दाखल झाले. त्यांनी सन्मेशला ताब्यात घेऊन पोलिस ठाण्यात आणले. पोलिस चौकशीत त्याने खुनाची कबुली दिली.
दिनेशच्या मागे आई, बहीण, मेव्हणा असा परिवार आहे.