शरद इन्स्टिट्यूटच्या
१२ विद्यार्थ्यांची निवड
मेकॅट्रॉनिक्सच्या विद्यार्थ्यांना अधिक संधी
सकाळ वृत्तसेवा
दानोळी, ता. १३ : यड्राव येथील शरद इन्स्टिट्यूट ऑफ टेक्नॉलॉजी, कॉलेज ऑफ इंजिनिअरिंगच्या १२ विद्यार्थ्यांची विप्रोपारी लि., पुणे या कंपनीत निवड झाली. महाविद्यालयातील मेकॅट्रॉनिक्स, मेकॅनिकल, इलेक्ट्रिकल आणि इलेक्ट्रॉनिक्स विभागातील विद्यार्थ्यांची निवड झाली.
मेकॅट्रॉनिक्समधील पूनम चौगुले, संदेश देसाई, शुभम कोरे, वीरेंद्र बंड, वैभव चव्हाण. मेकॅनिकलमधील - प्रथमेश जाधव, संकेत किणेकर, अनिकेत फुलारी. इलेक्ट्रिकलमधील - विशाल सूर्यवंशी, शौकत शेख. इलेक्ट्रॉनिक्स इंजिनिअरिंगमधील - सौरभ कुंभार, सायली रायनाडे या विद्यार्थ्यांना संधी मिळाली. विद्यार्थ्यांची कंट्रोल सॉफ्टवेअर, डिझाईन व कंट्रोल डिझाईन विभागात काम करण्यासाठी निवड झाली.
विप्रो पारी कंपनी ऑटोमेशन आणि रोबोटिक्समधील सर्वोत्तम व अग्रेसर आंतरराष्ट्रीय कंपनी आहे. कंपनी २५ वर्षांहून अधिक काळ जागतिक टर्नकी इन्स्टॉलेशन प्रदान करते. कंपनी २५ हून अधिक देशांमध्ये काम करते. कंपनीची वार्षिक उलाढाल ५०० कोटीपेक्षा अधिक आहे.
महाविद्यालयात विद्यार्थ्यांना प्रोजेक्ट बेस्ड लर्निगअंतर्गत सुरू असलेल्या अॅक्टिव्हिटी स्लॉटमध्ये मुलांकडून ग्रुप डिसक्शन, इंटरव्ह्यू टेक्निक्सचा सराव करून घेण्यात आला आहे. तसेच जर्मन, पायथॉन, सी अशा विविध भाषांचे प्रशिक्षण दिले जाते. त्याचा फायदा विद्यार्थ्यांना कॅम्पस इंटरव्ह्यूसाठी झाला.
निवड झालेल्या विद्यार्थ्यांचे संस्थेचे चेअरमन आमदार डॉ. राजेंद्र पाटील-यड्रावकर, एक्झिक्युटिव्ह डायरेक्टर अनिल बागणे यांनी अभिनंदन केले. ट्रेनिंग अॅण्ड प्लेसमेंट सेलचे प्रा. नेहा सोनी, प्रा. अभिजित केकरे यांच्यासह सर्व डिन, विभागप्रमुख, शिक्षक-शिक्षकेतर कर्मचारी यांचे सहकार्य लाभले.