एसटीचे आरक्षण आजऱ्यातून पूर्ववत ठेवण्याची मागणी
आजरा ः आजरा बसस्थानकातून विविध मार्गांवर धावणाऱ्या एसटीच्या फेऱ्यांचे प्रवासी आरक्षण केले जात होते. एसटी महामंडळाने आजरा येथील सुविधा बंद केली आहे. हे आरक्षण गडहिंग्लज व कोल्हापूर येथून केले जाणार आहे. त्यामुळे आरक्षणासाठी गडहिंग्लज किंवा कोल्हापूरला जाण्याची वेळ प्रवाशांवर आली आहे. एसटीच्या प्रवासाकरिता आरक्षणासाठी गडहिंग्लज व कोल्हापूरला जाणे खर्चिक व वेळखाऊपणाचे आहे. प्रवाशांना आर्थिक भुर्दंड सोसावी लागण्याबरोबर वेळही जाणार आहे. एसटी महामंडळाने प्रवासी वर्गाची अडचण लक्षात घेऊन आजरा येथून आरक्षण पूर्ववत करावे, अशी मागणी प्रवासी वर्गातून होत आहे.