शुगर मिल चौकात
एकास मारहाण
कोल्हापूर : कसबा बावडा शुगर मिल कॉर्नर येथे झालेल्या मारहाणीत रोहित फकीरराव कस्तुरे (वय ३५, रा. कसबा बावडा) जखमी झाले. मंगळवारी दुपारी दीडच्या सुमारास हा प्रकार घडला. जखमीला उपचारासाठी सीपीआरमध्ये दाखल करण्यात आले. याची नोंद सीपीआर पोलिस चौकीत झाली.
...
विषारी द्रव्‍य प्यायल्याने तरुणाचा मृत्यू
कोल्हापूर : विषारी द्रव्‍य प्यायल्याने प्रकृती चिंताजनक बनलेला सचिन महादेव कांबळे (वय २१, रा. तिटवे, राधानगरी) याचा मृत्यू झाला. सोमवारी सायंकाळी विषारी द्रव्‍य प्‍यायल्याने उपचारासाठी त्याला सीपीआरमध्ये दाखल करण्यात आले होते. उपचार सुरू असताना मंगळवारी त्याचा मृत्यू झाला. याची नोंद सीपीआर पोलिस चौकीत करण्यात आली.
...
पूर्ववैमनस्यातून शियेत हाणामारी
कोल्हापूर : पूर्ववैमनस्यातून शियेतील रामनगरात हाणामारीचा प्रकार घडला. यामध्ये प्रतीक पंकज चव्हाण, पंकज धोंडिराम चव्हाण (वय २३), तर दुसऱ्या गटातील देवेंद्र काळू जोंधळे (वय २२, रा. कावळा नाका) जखमी झाले. सोमवारी सायंकाळी घडलेल्या घटनेतील जखमींवर सीपीआरमध्ये उपचार करण्यात आले.