भवानी मंडप परिसरातील
पॅचवर्क योग्य प्रकारे करू
अधिकाऱ्यांचे पाहणीनंतर आश्‍वासन
सकाळ वृत्तसेवा
कोल्हापूर, ता. १५ : महापालिका, महावितरणच्या अधिकाऱ्यांनी तसेच ठेकेदाराने भवानी मंडप परिसरातील खोदाईवरील पॅचवर्क योग्य प्रकारे केले जाईल, असे पाहणीनंतर सांगितले. त्याबाबत सोमवारी आंदोलनाचा इशारा देण्यात आला होता.
फिरोज शेख, राहुल चौधरी यांनी महापालिका व ‌महावितरणच्या अधिकाऱ्यांसोबत भवानी मंडप येथे पाहणी केली. त्यावेळी तिथे केलेले ओबडधोबड पॅचवर्क कुणी केले, याची माहिती नसल्याचे स्पष्ट झाले. संबंधितांकडून परिसरातील पेव्हिंग ब्लॉकशी मिळतेजुळते पॅचवर्क केले जाईल, असे सांगितले. त्यानंतर शहर अभियंता नेत्रदीप सरनोबत यांची भेट त्यांनी संबंधित विभागाची माहिती घेऊन त्यांच्याकडून काम करून घेण्याच्या सूचना दिल्या.