हुपरीत तरुणावर
खुनी हल्ला

कोल्हापूर ः हुपरी येथे सुरू असलेल्या मिरवणुकीतून बाजूला नेऊन ओंकार प्रकाश शिंदे (वय १६, रा. होळकरनगर, हुपरी) याच्यावर खुनी हल्ला करण्यात आला. धारदार शस्त्राने डोक्यात वार झाल्याने ओंकार गंभीर जखमी झाला. त्याला तातडीने उपचारासाठी सीपीआरमध्ये दाखल करण्यात आले. याची नोंद सीपीआर पोलिस चौकीत झाली आहे.
.....
अपघातात
वृद्धाचा मृत्यू

कोल्हापूर ः चिखली फाट्यानजीक झालेल्या रिक्षा अपघातात बाळाराम दत्तू कुंभार (वय ६८, रा. शिराळा) यांचा मृत्यू झाला. बुधवारी पहाटे साडेसहाच्या सुमारास हा प्रकार घडला. जखमीला गंभीर अवस्थेत उपचारासाठी सीपीआरमध्ये आणले होते; मात्र उपचारापूर्वीच त्यांचा मृत्यू झाल्याचे डॉक्टरांनी सांगितले. याची नोंद करवीर पोलिस ठाण्यात झाली आहे.
.............
बोरिवडेत
दोघांना मारहाण

कोल्हापूर ः बोरिवडे (ता. पन्हाळा) येथे झालेल्या मारहाणीत कुलदीप रंगराव शिंदे (वय २८) व रंगराव गोविंद शिंदे (५५) जखमी झाले. मंगळवारी रात्री साडेसातच्या सुमारास हा प्रकार घडला. जखमी अवस्थेत दोघांना उपचारासाठी सीपीआरमध्ये दाखल करण्यात आले. याची नोंद सीपीआर पोलिस चौकीत झाली आहे.
..............
कणेरीत
एकास मारहाण

कोल्हापूर ः कणेरी येथे जागेच्या वादातून जनार्दन मारुती शिंदे (वय ६२, रा. सोनतळी) यांना मारहाण झाली. बुधवारी सकाळी साडेदहाच्या सुमारास हा प्रकार घडला. जखमी अवस्थेत त्यांना उपचारासाठी सीपीआरमध्ये दाखल करण्यात आले. याची नोंद सीपीआर पोलिस चौकीत झाली आहे.
.............

कळंब्यातून
लॅपटॉपची चोरी

कोल्हापूर : कळंबा येथील प्रथमेशनगर परिसरातून चोरट्याने अथर्व गणेश चव्हाण (वय २०, सध्या रा. प्रथमेशनगर, कळंबा, मूळ रा. कात्रज, पुणे) याच्या खोलीतील लॅपटॉप चोरून नेला. हा प्रकार शनिवारी (ता. ११) मध्यरात्री एक ते दोनच्या सुमारास घडला. याबाबत अथर्वने करवीर पोलिस ठाण्यात फिर्याद दिली आहे.
.......................

पूर्ववैमनस्यातून
बापलेकास मारहाण

कोल्हापूर : पूर्ववैमनस्यातून हसूर दुमाला (ता. करवीर) येथील शांताराम महादेव पाटील (वय ५०) आणि सिद्धेश पाटील यांना मारहाण करण्यात आली. झटापटीत ब्लेडने वार करण्यात आल्याने दोघे जखमी झाले. मंगळवारी (ता. १४) दुपारी पाटील यांच्या घरासमोर हा प्रकार घडला. याप्रकरणी रोहित जयसिंग पाटील-कोल्हे (रा. यवलूज, ता. पन्हाळा) याच्यासह तीन अनोळखींवर करवीर पोलिस ठाण्यात गुन्हा दाखल झाला आहे. शांताराम पाटील यांनी पूर्वीच्या वादाबद्दल फोनवरून रोहितकडे विचारणा केली. या रागातून रोहितने मित्रांसोबत पाटील यांच्या घरासमोर येऊन भांडण केले. यात ब्लेडने पाटील यांच्या नाकावर, तोंडावर वार केले. तसेच त्यांचा मुलगा सिद्धेशला चौघांनी काठीने बेदम मारहाण केली.