विद्यार्थी खेळाडूंना
विद्यापीठाची शिष्यवृत्ती
कोल्हापूर ः शिवाजी विद्यापीठ प्रोत्साहनपर क्रीडा योजनेंतर्गत खेळाडूंना महाराष्ट्र नवनिर्माण विद्यार्थी सेनेच्या (मनविसे) मागणीनुसार शिष्यवृत्ती देण्यात आली. कुलगुरू डॉ. डी. टी. शिर्के यांच्याकडे विद्यापीठ क्रीडा प्रोत्साहन योजनेंतर्गत खेळाडूंना शिष्यवृत्ती देण्याची मागणी गेल्या महिन्यात केली होती. त्याबाबतचे निवेदनही दिले होते. त्याची दखल घेऊन प्रशासनाने विद्यार्थी खेळाडूंच्या अर्जाची छाननी केली. त्यामध्ये २३ खेळाडू शिष्यवृत्तीसाठी पात्र ठरले. शिष्यवृत्तीची रक्कम खेळाडूंना मिळाली नसल्याची तक्रार ‘मनविसे’कडे आली. त्याची माहिती कुलगुरू डॉ. शिर्के यांना दिली. त्यांनी दखल घेऊन पुढील कार्यवाही केल्याने एप्रिलच्या दुसऱ्या आठवड्यात खेळाडूंना शिष्यवृत्तीची रक्कम मिळाल्याची माहिती ‘मनविसे’चे शहराध्यक्ष अजिंक्य शिंदे यांनी दिली.