शिवराज्याभिषेक महोत्सव
समितीतर्फे रविवारी बैठक

कोल्हापूर, ता. १६ : अखिल भारतीय शिवराज्याभिषेक महोत्सव समितीतर्फे ६ जूनला होणाऱ्या शिवराज्याभिषेकानिमित्त १९ मेस राज्यव्यापी बैठक होत आहे. पुण्यातील शिवाजीनगरमधील ऑल इंडिया शिवाजी मेमोरियल सोसायटी येथे सायंकाळी पाच वाजता बैठकीस सुरुवात होईल. यंदा शिवराज्याभिषेकास ३५० वर्षे पूर्ण होत असून, त्याच्या नियोजनाची ही बैठक आहे. दरवर्षीप्रमाणे यंदाही ५ व ६ जूनला जल्लोषात विविध उपक्रम होणार आहेत. त्यासाठी विविध समित्या नियुक्त केल्या असून, नियोजनासाठी सूचना मागविल्या आहेत. सर्व जिल्ह्यांतील कार्यकर्त्यांनी बैठकीस उपस्थित राहावे, असे आवाहन समितीतर्फे करण्यात आले आहे.