84084
कोल्हापूर : फुटबॉल स्पर्धेत गिरीश इलेव्हन विरुद्ध अमर अपराध इलेव्हन यांच्या सामन्यातील क्षण. (मोहन मेस्त्री : सकाळ छायाचित्रसेवा)
.................
लोगो ः शिव-शाहू चषक वेट्रन फुटबॉल स्पर्धा

नलवडे, अण्णाप्रेमी, पाटील,
गिरीश इलेव्हन यांचे विजय

सकाळ वृत्तसेवा
कोल्हापूर, ता. १६ : शिवाजी स्पोर्टस् ॲकॅडमी आयोजित शिव-शाहू चषक वेट्रन फुटबॉल स्पर्धेत शशिकांत नलवडे, अण्णाप्रेमी, उदय पाटील व गिरीश इलेव्हन यांनी आपापल्या प्रतिस्पर्ध्यांवर आज मात केली. स्पर्धा छत्रपती शाहू स्टेडियमवर सुरू आहे.
शशिकांत नलवडे इलेव्हनने जनार्दन सूर्यवंशी इलेव्हनचा २-० ने पराभव केला. त्यांच्या प्रदीप पाटील व अमोल सरनाईक यांनी गोल केला. अण्णाप्रेमी इलेव्हन (सॉकर किंग) विरुद्ध के. एल. व्ही. इलेव्हन यांच्यातील सामन्यात अण्णाप्रेमी इलेव्हनने ४-० ने एकतर्फी विजयाची नोंद केली. त्यांच्या विनायक चौगुले यांनी दोन, राजू काशीद व गजानन कुराडे यांनी प्रत्येकी एक गोल केला. उदय पाटील इलेव्हनने दीपक कुपन्नावर इलेव्हनला २ विरुद्ध १ गोलने पराभूत केले. उदय पाटील इलेव्हनकडून रोहित रणनवरे व रवी शेळके यांनी प्रत्येकी एक, तर दीपक कुपन्नावर, राजू शिंदे यांनी एक गोल केला.
गिरीश इलेव्हनने अमर अपराध इलेव्हनवर ५-० ने विजय मिळवला. सचिन पाटील यांनी दोन, अभी शिंदे, सोमनाथ लांबोरे व अमर भोसले यांनी प्रत्येकी एक गोल केला.
................