फोटो ः 84050

जिल्हा परिषदेच्या शाळांतील
स्वच्छतागृहांची त्वरित दुरुस्ती करा

‘युवक विद्यार्थी-पालक प्रवेश हक्क’ची मागणी

सकाळ वृत्तसेवा
कोल्हापूर, ता. १६ : जिल्हा परिषदेच्या प्राथमिक शाळांतील स्वच्छतागृहांची त्वरित दुरुस्ती करण्यात यावी, या मागणीचे निवेदन युवक विद्यार्थी-पालक प्रवेश हक्क व संरक्षण संघटनेतर्फे मुख्य कार्यकारी अधिकारी एस. कार्तिकेयन यांना आज देण्यात आले.
त्यात म्हटले आहे, जिल्ह्यात सुमारे दोन लाख विद्यार्थी शिक्षण घेत आहेत. त्यांच्यासाठी शाळांतील स्वच्छतागृहे स्वच्छ ठेवणे आवश्‍यक आहे. त्याची जबाबदारी शिक्षणाधिकारी व बांधकाम विभाग यांची संयुक्तिक आहे. ज्यांनी चुकीचे बांधकाम केले, त्यांच्यावर कारवाई व्हायला हवी. अन्यथा विद्यार्थ्यांच्या हितासाठी आंदोलन उभारावे लागेल. शिष्टमंडळात राजू थोरावडे, फिरोज सरगूर, प्रकाश आमते, मोहसीन मुल्ला, पप्पू जाधव, विनोद डुणूंग, श्रीनिवास ब्रह्मपुरे, मोहसीन बागवान, शेखर वडणगेकर, अविनाश माने यांचा समावेश होता.