ajr201.jpg......
84770
आजरा ः आजरा आगारप्रमुखांना निवेदन देताना परशराम बामणे व पदाधिकारी.
-------------------------
स्वच्छतेबाबतचा ढिसाळपणा दूर व्हावा
अन्याय निवारण समितीची मागणी ः आजरा आगारप्रमुखांना निवेदन
सकाळ वृत्तसेवा
आजरा, ता. २१ ः आजरा बसस्थानकावरील स्वच्छतेबाबत अनास्था दिसत आहे. सर्वत्र कचऱ्याचे साम्राज्य पसरलेले पाहावयास मिळते. याबाबत आगार व्यवस्थापनाने वारंवार विनंती करूनही गांभीर्य दाखवलेले नाही. आगारप्रमुखांनी बसस्थानक स्वच्छतेसह अन्य मागण्यांबाबत काय कार्यवाही केली, असा सवाल अन्याय निवारण समितीने केला आहे. याबाबतचे निवेदन आगारप्रमुखांना दिले आहे.
स्वच्छता, आरक्षणासह परिसराचे सुशोभीकरण, या विषयावर चर्चा झाली. अन्याय निवारण समितीचे अध्यक्ष परशुराम बामणे, समीर लतिफ यांनी मनोगत व्यक्त केले. आगारप्रमुख श्री. शिंदे म्हणाले, ‘यापुढे स्वच्छतेबाबत योग्य ती कार्यवाही करू. बसस्थानक आवारात लावल्या जाणाऱ्या फलकांची कोणतीही परवानगी आगाराकडून दिली जात नाही. नगरपंचायतीनीही ती देऊ नये, अशा सूचना केल्या जातील.’ चर्चेत पांडुरंग सावरतकर, यशवंत चव्हाण, संदीप पारळे, प्रसाद जोशी यांनी भाग घेतला.