आजरा तालुक्याचा बारावीचा निकाल ९७ टक्के
आजरा, ता. २१ ः आजरा तालुक्याचा बारावीचा निकाल ९७.११ टक्के लागला आहे. आज दुपारी निकाल जाहीर झाला. निकाल पाहण्यासाठी विद्यार्थी व पालकांची महाविद्यालय व संगणक केंद्रावर गर्दी झाली होती. निकाल कळाल्यावर अनेक विद्यार्थ्यांनी साखर-पेढे वाटून आनंद व्यक्त केला.
बारावी परीक्षेला तालुक्यातून ८३२ विद्यार्थी बसले होते. त्यापैकी ८०८ विद्यार्थी उतीर्ण झाले आहेत. महिनाभर पालक व विद्यार्थ्यांना निकालाची उत्सुकता व प्रतीक्षा लागली होती. 
तालुक्यातील कनिष्ठ महाविद्यालयांचा निकाल असा ः आजरा कनिष्ठ महाविद्यालय - ९६.४५, आजरा कनिष्ठ महाविद्यालय व्होकेशनल विभाग - १००, उत्तूर ज्युनिअर कॉलेज - ९७.६७, बापूसाहेब सरदेसाई ज्युनिअर कॉलेज, निंगुडगे - ८६.६६, उर्दू ज्युनिअर कॉलेज आजरा - ८२.६०, व्यंकटराव ज्युनिअर कॉलेज आजरा - १००, ओम पॅरामेडिकल आजरा - १००, आर्टस्‌, सायन्स अण्ड कॉमर्स ज्युनिअर कॉलेज (पं. दीनदयाळ विद्यालय) आजरा - १००, नवकृष्ण व्हॅली उत्तूर - १०० टक्के.