मिरवणुकीत तरुणास मारहाण
कोल्हापूरः सावर्डे (ता. हातकणंगले) येथे सोमवारी रात्री काढण्यात आलेल्या मिरवणुकीत अनिल संताजी चव्हाण (वय ३४) यांना मारहाण करण्यात आली. रात्री साडेनऊच्या सुमारास हा प्रकार घडला. जखमीला उपचारासाठी सीपीआरमध्ये दाखल करण्यात आले. राजकीय वादातून ही मारहाण झाल्याचे जखमीने पोलिसांना सांगितले. याची नोंद सीपीआर पोलिस चौकीत झाली.
...
विषारी द्रव प्यायल्याने वृद्धाचा मृत्यू
कोल्हापूर ः विषारी द्रव प्यायल्याने प्रकृती चिंताजनक बनलेले दगडू यशवंत पाटील (वय ६३, रा. म्हाळुंगे तर्फ बोरगाव, ता. पन्हाळा) यांचा मृत्यू झाला. सोमवारी सायंकाळी राहत्या घरी त्यांनी विषारी द्रव प्यायले होते. त्यांना नातेवाइकांनी उपचारासाठी तातडीने सीपीआर रुग्णालयात दाखल केले होते. उपचार सुरू असताना मंगळवारी पहाटे चार वाजता त्यांचा मृत्यू झाला. सीपीआर पोलिस चौकीत घटनेची नोंद झाली.
...
85072
भरधाव ट्रकची मोटारीला धडक ः ८ जखमी
कोल्हापूर, ता. २१: पुणे-बंगळूर राष्ट्रीय महामार्गावर किणी टोल नाक्यानजीक भरधाव ट्रकने मोटारीला दिलेल्या धडकेत आठ जण जखमी झाले. सोमवारी दुपारी झालेल्या अपघातातील जखमींना सीपीआर रुग्णालयात उपचाराला आणण्यात आले. धडक दिल्यानंतर ट्रकचालक पसार झाला.
मोटारीतील सारंग अशोक सातपुते (वय ३४), अशोक महादेव सातपुते (वय ५३), सपना अशोक सातपुते (वय ५० रा. तिघे कोगे, ता. करवीर), रंजना मार्तंड दाभाडे (वय ६८ रा. राजारामपुरी), प्रगती सुनील लोंढे (वय ८), काजल सुनील लोंढे (३६), सुनील दत्तात्रय लोंढे (वय ३६ रा. तिघे नागाव, ता. करवीर), मंगल निवृत्ती दबडे (वय ६५ रा. कुशिरे ता. पन्हाळा) जखमी झाले.
.......
अपघातात जखमी
तरुणाचा मृत्यू
कोल्हापूर ः सहा महिन्यांपूर्वी झालेल्या अपघातातील जखमी दीपक बबन भडकुंबे (वय ३८, रा. मार्केटयार्ड परिसर) यांचा मंगळवारी (ता. २१) मृत्यू झाला. डोक्यात वेदना होऊन बेशुद्ध झाल्याने त्याला उपचारासाठी सीपीआरमध्ये दाखल करण्यात आले. मात्र, उपचारापूर्वीच त्याचा मृत्यू झाल्याने डॉक्टरांनी सांगितले. याची नोंद सीपीआर पोलिस चौकीत झाली.
...
मारहाणीत महिला जखमी
कोल्हापूरः सोनतळी (ता.करवीर) येथे झालेल्या मारहाणीत कमल तानाजी वाठारकर (वय ४२) जखमी झाल्या. त्यांना उपचारासाठी सीपीआर रुग्णालयात दाखल करण्यात आले. याची नोंद करवीर पोलिसांत करण्यात आली.