85316
कोल्हापूर : पाणीपुरवठा व्यवस्थित होत नसल्याने अंबाबाई मंदिर परिसरातील नागरिकांनी जल अभियंत्यांना पाणी बाटल्या देत निषेध केला.

विकतच्या पाण्याची बाटली देत
अनियमित पाणीपुरवठ्याचा निषेध
अंबाबाई मंदिर, बालगोपाल तालीम परिसरातील नागरिक संतप्त
सकाळ वृत्तसेवा
कोल्हापूर, ता. २३ : अंबाबाई मंदिर, बालगोपाल तालीम, मिरजकर तिकटी परिसरात अनियमित पाणीपुरवठा होत असल्याने परिसरातील नागरिकांनी विकत घेतलेली पाण्याची बाटली महापालिकेला देऊन अनोख्या पद्धतीने निषेध केला. भाजप लक्ष्मीपुरी मंडलतर्फे जलअभियंत्यांना निवेदन देण्यात आले.
निवेदनात म्हटले आहे, अनेक दिवस अपुरा पाणीपुरवठा होत आहे. तक्रार करूनही स्थानिक राजकारणामुळे दुर्लक्ष केले जाते. येथे आलेले पाण्याचे टँकर जबरदस्तीने दुसऱ्या भागात पाठवले जातात. पाणी सोडणाऱ्या कर्मचाऱ्यांना मारहाण केली जाते. काही लोकप्रतिनिधी मुद्दाम या गोष्टी करत आहेत. त्यावर कोणतीही कारवाई झाली नाही. त्याचा निषेध म्हणून नागरिकांनी विकतची पाण्याची बाटली देऊन निवेदनही देण्यात आले. यावेळी रश्मी साळोखे, सुरेश गुजर, अवधूत भाटे, प्रसाद नरुले, संग्राम पाटील, जनार्दन पोवार, रविराज पोवार, स्वरूपा पोवार, संगीता हुक्केरी, उज्ज्वला खोराटे आदी उपस्थित होते.