87232
कोल्हापूर : अखिल भारतीय मराठी चित्रपट महामंडळातर्फे प्रभात फिल्म कंपनीच्या वर्धापन दिनानिमित्त प्रभात तुतारी शिल्पाचे पूजन झाले.

प्रभात फिल्म कंपनीच्या
स्मृतींना मिळाला उजाळा
कोल्हापूर, ता. १ : अखिल भारतीय मराठी चित्रपट महामंडळातर्फे प्रभात फिल्म कंपनीच्या वर्धापन दिनानिमित्त आज कोळेकर तिकटी येथील प्रभात तुतारी शिल्पाचे पूजन झाले. यानिमित्ताने प्रभात फिल्म कंपनीच्या स्मृतींना उजाळा मिळाला. ज्येष्ठ वेशभूषाकार शामराव कांबळे, मिलिंद अष्टेकर यांच्या हस्ते तुतारी शिल्पाचे पूजन झाले. या वेळी चित्रपट महामंडळाचे संचालक सतीश बिडकर, रणजित जाधव, इम्तियाज बारगीर, बाळकृष्ण बारामती, मंगेश मंगेशकर, सुभाष कांबळे, समाधान सावंत, अमर मठपती, रवींद्र बोरगावकर आदी उपस्थित होते.
मराठी सिनेसृष्टीत इतिहास घडवणाऱ्या प्रभात फिल्म कंपनीची स्थापना १ जून १९२९ रोजी कोल्हापूर येथे झाली. पहिल्या दोन वर्षांतच गोपालकृष्ण (१९२९), खुनी खंजीर (१९३०), राणीसाहेब ऊर्फ बजरबट्टू (१९३०), उदयकाल (१९३०), चंद्रसेना (१९३१), व जुलूम (१९३१), असे सहा मूकपट निर्माण केले. खुनी खंजीरच्या छायाचित्रणाची त्यावेळी प्रशंसा झाली होती. या साऱ्या स्मृतींना उजाळा मिळाला.