gad211.jpg
87287
गडहिंग्लज ः दहावी परीक्षेत शंभर टक्के गुण मिळवलेल्या स्वयं कुंभार याचा सत्कार समरजित घाटगे यांच्याहस्ते करण्यात आला. यावेळी अश्विनी कुंभार, अभिषेक पाटील आदी उपस्थित होते.
---------------------------------------
स्वयं कुंभारच्या यशाने
जिल्ह्याची मान उंचावली
समरजित घाटगे ः शंभर टक्के गुण मिळवल्याबद्दल केला सत्कार
सकाळ वृत्तसेवा
गडहिंग्लज, ता. २ ः ‘छत्रपती शाहू महाराजांनी कोल्हापूर संस्थांनमध्ये शंभर वर्षांपूर्वी बहुजन समाजासाठी प्राथमिक शिक्षण सक्तीचे व मोफत देण्याचा कायदा सर्वप्रथम केला. त्यांच्या जनकभूमीतील बहुजन समाजातील शिक्षक दांपत्याच्या मुलाने शंभर टक्के गुण मिळवले. त्याच्या या यशाने कोल्हापूरकरांची मान अभिमानाने उंचावली आहे,’ असे गौरवोद्‍गार शाहू ग्रुपचे अध्यक्ष व भाजप नेते समरजित घाटगे यांनी काढले.
दहावीच्या परीक्षेत शंभर टक्के गुण मिळवलेल्या येथील स्वयं कुंभारच्या सत्कारप्रसंगी ते बोलत होते. कुंभार यांच्या घरी जाऊन घाटगे यांनी त्याचा सत्कार केला. त्यामुळे कुंभार कुटुंबीय भारावून गेले होते.
घाटगे म्हणाले, ‘छत्रपती शाहू महाराजांचा आदर्श डोळ्यांसमोर ठेवून दिवंगत विक्रमसिंह घाटगे यांनी सहकार, कला, क्रीडा, शैक्षणिक अशा विविध क्षेत्रात आदर्श काम केले. त्यांचा आदर्श डोळ्यांसमोर ठेवून विद्यार्थ्यांसाठी शिष्यवृत्ती, शाळांना ई-लर्निंग सुविधा, आदर्श शिक्षक पुरस्कार उपक्रम राबवित आहोत. शाहू महाराजांच्या स्मृती शताब्दी वर्षात कुंभार कुटुंबीयांनी त्यांना प्रत्यक्ष कृतीतून आदरांजली वाहिली आहे.’ यावेळी संचिता महाजन, कीर्ती पाटील, राजवर्धन पाटील या गुणवंत विद्यार्थ्यांचाही सत्कार केला. अश्विनी कुंभार, अभिषेक पाटील आदी उपस्थित होते.