फोटो : 87359
-----------------------------------------
(टीप : ‘एनआयई’ चा लोगो आवश्‍यक)
.......................................................

रोबोटिक प्रशिक्षण शिबिराचा समारोप
सकाळ व रोबोस्टॉर्म टेक्नॉलॉजीतर्फे आयोजन; विद्यार्थ्यांचा प्रमाणपत्र देऊन गौरव

सकाळ वृत्तसेवा
कोल्हापूर, ता. ३ : लहान वयातच नवतंत्रज्ञान आत्मसात करून लिलया रोबोट तयार करण्याचे धडे विद्यार्थ्यांना मिळाले. काही तरी नवीन करू शकतोय हा आनंद विद्यार्थ्यांच्या चेहऱ्यावर आणि आपली मुले वेगळं काही तरी करताहेत हे पाहून आई-वडिलांच्या चेहऱ्यावरील आनंद आज अनुभवायला मिळाला. निमित्त होतं ''सकाळ'' माध्यम समूहाच्या एनआयई व्यासपीठ व रोबोस्टॉर्म टेक्नॉलॉजी यांच्या संयुक्त विद्यमाने आयोजित रोबोटिक प्रशिक्षण शिबिराचे.
''सकाळ'' शहर कार्यालयात सुरू असलेल्या शिबिराचा समारोप झला. ‘गमभन’ वितरण हे मुख्य प्रायोजक होते.
समारोपप्रसंगी ''सकाळ''चे सरव्यवस्थापक (दक्षिण महाराष्ट) यतिश शहा, ''गमभन''चे संचालक वीरेंद्रनाथ जोशी, रोबोस्टॉर्म टेक्नॉलॉजीचे संचालक आशिष देसाई, सुधीर पाटील यांच्या उपस्थितीत विद्यार्थ्यांना भेटवस्तू व प्रमाणपत्रांचे वितरण झाले.
श्री. शहा यांनी विद्यार्थ्यांना सकाळ ‘एनआयई’बाबत मार्गदर्शन केले. विद्यार्थ्यांना सामान्यज्ञानाची माहिती देणारे हे वृत्तपत्र असून, पालकांनी अंकाची नोंदणी करावी, असे आवाहन शहा यांनी केले.
‘रोबोस्टॉर्म’च्या रीना अंगडी, विकास भंडारी, परेश उपाध्ये, सुयश पवार, प्रभाकर बनसोडे यांनी मार्गदर्शन केले. पहिल्या दिवशी ‘फोरव्हील बेस’ रोबोट, दुसऱ्या दिवशी कॅस्टर व्हील बेस रोबोट, तिसऱ्या दिवशी ग्रीपर रोबोट तयार करण्याचे प्रशिक्षण दिले. अखेरच्या दिवशी विद्यार्थ्यांना थ्री डी प्रिंटिंग व पुली वुईथ क्रेन तयार करण्याचे धडे देण्यात आले. थ्री डी प्रिंटिंगचा ज्वेलरीमध्ये व फौंड्री पॅटर्नमध्ये कशा पद्धतीने वापर करायचा याचीही माहिती दिली.