gad31.jpg
87470
गडहिंग्लज : नगरपरिषद व कला अकादमीतर्फे रंगकर्मींसाठी आयोजित कार्यशाळेप्रसंगी प्रदीप शिवगण, शिवाजी पाटील, इंद्रजित बंदसोडे यांच्यासह कलाकार.
--------------------------
रंगकर्मींसाठीची कार्यशाळा
गडहिंग्लजला उत्साहात
सकाळ वृत्तसेवा
गडहिंग्लज, ता. ५ : येथील गडहिंग्लज नगरपरिषद आणि गडहिंग्लज कला अकादमीतर्फे परिसरातील रंगकर्मींसाठी कार्यशाळा झाली. तीन दिवस चाललेल्या या कार्यशाळेत अभिनेते व दिग्दर्शक प्रदीप शिवगण यांनी कलाकारांना प्रशिक्षण दिले. कार्यशाळेत २५ कलाकार सहभागी झाले होते.
गाभ चित्रपटाचे दिग्दर्शक अनुप जत्राटकर व निर्माते मंगेश बोरटे यांच्या उपस्थितीत कार्यशाळेचे उद्‍घाटन झाले. कार्यशाळेत नाट्य अभिनय, चित्रपट निर्मिती, संहिता आणि ऑडिशन कसे द्यावे, याबाबत मार्गदर्शन केले. तसेच प्रात्यक्षिकही करून घेतले. कार्यशाळेत सहभागी कलाकारांना मान्यवरांच्या हस्ते प्रमाणपत्र देण्‍यात आले.
प्रदीप शिवगण यांच्यासह कला अकादमीचे शिवाजी पाटील यांनी समारोप प्रसंगी मार्गदर्शन केले. विशाखा जोशी, रामय्या हिरेमठ, अरुण पाटील, दत्तात्रय सुतार, प्रभाकर दुंडगे, ऊर्मिला कदम, इंद्रजित बंदसोडे यांनी कार्यशाळेचे संयोजन केले.