जागतिक पर्यावरण दिनानिमित्त
आज विद्यापीठात चर्चासत्र
कोल्हापूर ः जागतिक पर्यावरण दिनानिमित्त शिवाजी विद्यापीठात बुधवारी (ता. ५) सकाळी साडेदहा वाजता ‘कोल्हापूर @ ४१ अंश सेल्सियस’ विषयावर चर्चासत्र होणार आहे. पर्यावरणशास्त्र अधिविभागातील चर्चासत्राच्या अध्यक्षस्थानी कुलगुरू डॉ. डी. टी. शिर्के असतील. पर्यावरण क्षेत्रातील जाणकार चर्चासत्रात सहभागी होणार आहेत. यावर्षी उन्हाळ्यात देशभरात तापमानाच्या पाऱ्याने उच्चांक गाठला. कोल्हापूरदेखील त्याला अपवाद नाही. उन्हाळ्यातील पाच ते सहा दिवस कधी तरी ३८-३९ अंशांवर जाणारे तापमान यावर्षी महिना - दीड महिना ३९ अंशांवर होते. कोल्हापूर आणि एकूणच वाढलेले तापमान हा गंभीर प्रश्न बनलेला आहे. जागतिक तापमानवाढ, अल निनो परिणाम तसेच स्थानिक कारणेही परिस्थितीला कारणीभूत आहेत. या विषयांवर चर्चासत्रात विचारमंथन होईल.