कोल्हापूरकरांनी एक लाख ५२ हजारांचे मताधिक्य दिले. ज्यांनी ज्यांनी अहोरात्र मेहनत घेतली त्या सर्वांचे आभार मानतो. आमदार पी. एन. पाटील आज असते तर आनंद द्विगणित झाला असता. महाविकास आघाडीसाठी वातावरण अतिशय उत्कृष्ट आहे. त्याची सुरवात कोल्हापुरातून झाली आहे. महागाई, बेरोजगारीविरोधातील चीड जनतेने मतांद्वारे व्‍यक्त केली. श्रीमंत शाहू छत्रपती महाराजांच्या रूपाने राजर्षी शाहू महाराजांच्या विचारांचा वारसा दिल्लीला जातोय, याचा आनंद आहे. ही निवडणूक जनता विरुद्ध महायुती असल्याचे आम्ही सांगत होतो. त्यामुळे श्रीमंत शाहू महाराजांना जनतेने नेतृत्वाची संधी दिली. या निकालाने जनतेला गृहीत धरून चालणार नाही हेही पुढे आले. मतांचा पाऊस पडल्यामुळे वारसाचा मुद्दा कोण काढणार नाही. हातकणंगले मतदारसंघात एकास एक उमेदवार असता तर आजचे चित्र वेगळे असते.
- सतेज पाटील, आमदार