लाचप्रकरणातील मंडल
अधिकाऱ्यास अटकपूर्व जामीन

सकाळ वृत्तसेवा
कोल्हापूर, ता. ६ः माले (ता. पन्हाळा) येथील शेतजमिनीच्या सातबाऱ्यावर नाव नोंदविण्यासाठी १५ हजारांची लाच घेताना रणजीत ऊर्फ आप्पा पाटील याला लाचलुचपत प्रतिबंधक विभागाने ३१ मे रोजी अटक केली होती. ही लाच मंडल अधिकारी अभिजित नारायण पवार याच्या सांगण्यावरून घेतल्याप्रकरणी त्याच्यावरही गुन्हा दाखल होता. गुन्हा दाखल झाल्यानंतर पसार झालेल्या संबंधित अधिकाऱ्याने न्यायालयातून अटकपूर्व जामीन मिळवल्याचे पोलिस उपअधीक्षक सरदार नाळे यांनी सांगितले.
लाचप्रकरणात काही दिवसांपूर्वी सापडलेल्या एका संशयित महिलेने कर्मचाऱ्यांच्या पतसंस्थेची निवडणूक लढवली होती. तेव्हा उमेदवार महिलेच्या पतीने मोठ्या प्रमाणात भेटवस्तूंचे वाटप करून मतदारांना भूलवले होते. या जोरावर ती निवडून आली. अशा बेहिशेबा खर्चाची चौकशी तिच्यावरील लाचलुचपत प्रतिबंधक विभागाने घेतली तर आणखीन मोठे खुलासे झाले असतील अशी चर्चा सुरू आहे.

चौकट
''बडेमासे'' मोकाट
लाचलुचपत प्रतिबंधक खात्याने केलेल्या कारवायांमध्ये पंटर सापडले आहेत. पण, काही ''बडे मासे'' यातून निसटल्याची चर्चा आहे. संबंधितांच्या मालमत्तेची सखोल चौकशी होण्यासाठी प्रयत्न होणे गरजेचे असल्याचे बोलले जात आहे.