मर्दानी खेळांनी डोळ्याचे पारणे फिटले
गेले दोन दिवस रायगडावरील होळीचा माळ मर्दानी खेळाच्या चैतन्याने भरून गेला. छोट्या मुलांपासून ते ज्येष्ठ व्यक्तींनी सादर केलेल्या प्रात्यक्षिकांनी उपस्थितांच्या डोळ्याचे पारणे फेडले. मर्दानी खेळातील प्रत्येक कौशल्याला उपस्थित शिवभक्तांनीही प्रतिसाद देत त्यांचे कौतुक केले. लेझीम व ढोल पथकांनी वातावरण शिवमय झाले. ‘जय शिवाजी, जय भवानी’ घोषणेने आसमंत व्यापून गेला. त्याने रायगडवर शिवकालीन वातावरण जागृत केले. सोहळ्यासाठी पश्चिम महाराष्ट्रासह पुणे, मुंबई तसेच विदर्भ, मराठवाडा भागातून शिवभक्त आले होते.