88642

वटेश्वर मंदिराजवळ
‘उत्तरेश्वर थाळी’ सुरू

कोल्हापूर, ता. ७ : लायन्स क्लब, कोल्हापूर व मातृभूमी चॅरिटेबल ट्रस्ट यांच्या सहकार्याने एस. टी. स्टॅण्ड जवळील वटेश्वर मंदिरानजीक उत्तरेश्वर थाळी सुरू झाली. कष्टकरी, हातावरचे पोट असणाऱ्या व्यक्तींना पोटभर जेवण मिळावे या उद्देशाने ही थाळी सुरू केली आहे.
कोरोना काळापासून आजपर्यंत गंगावेशीत उत्तरेश्वर थाळीचे अन्नछत्र सुरू आहे. राजेंद्र चव्हाण, रवी मिसाळ, रवींद्र जाधव यांच्या संकल्पनेतून समाजातील दानशूर व्यक्तींच्या सहकार्याने उपक्रम सुरु केला. लायन्स क्लब राजारामपुरीतर्फेही किमान खर्चात डायलेसिस सेंटर, मोफत नेत्र तपासणी सेंटर, पंचतारांकित औद्योगिक वसाहतीमध्ये विविध सामाजिक उपक्रम राबवण्यात येतात. यासह क्लबचे अध्यक्ष अविनाश पेंडुरकर व सहकाऱ्यांनी अन्नछत्राचा उपक्रम सुरू करण्याचा निर्णय घेतला. शिवराज्याभिषेक दिनाच्या मुहूर्तावर उपक्रम सुरु झाला. थाळीचे उद्घाटन जिल्हा पोलिप्रमुख महेंद्र पंडित, क्लबच्या ज्येष्ठ सदस्या ऊमा शर्मा, अनंत जाजल, मीना जाजल यांच्याहस्ते झाले. यावेळी मातृभूमी ट्रस्ट व लायन्स क्लबचे सदस्य उपस्थित होते. दररोज १२ वाजता अन्नछत्र सुरू होईल.