अकरावी प्रवेशासाठी
६००५ विद्यार्थ्यांची नोंदणी

कोल्हापूर, ता. ७ : शहरातील २९ कनिष्ठ महाविद्यालयांतील इयत्ता अकरावीच्या विज्ञान आणि वाणिज्य इंग्रजी शाखेच्या प्रवेशासाठी आजअखेर ६००५ विद्यार्थ्यांनी नोंदणी केली.
केंद्रीय प्रवेश प्रक्रिया समितीने २७ मेपासून अकरावी प्रवेशासाठी ऑनलाईन अर्जातील पहिला भाग भरण्याची सुविधा सुरू केली. या सुविधेंतर्गत आज दिवसभरात ४१० विद्यार्थ्यांनी अर्ज भरला. ऑनलाईन नोंदणी करणाऱ्या विद्यार्थ्यांची संख्या दिवसागणिक वाढत आहे. दहावी गुणपत्रिका मंगळवारी मिळणार असून, त्यादिवशी दुपारी तीन वाजल्यापासून ऑनलाईन अर्जातील दुसरा भाग भरता येणार आहे.