पूरबाधित क्षेत्रात
स्वच्छता मोहिम

इचलकरंजी, ता. ७ ः महापालिका क्षेत्रातील संभाव्य पूरपरिस्थितीच्या पार्श्वभूमीवर पूरबाधित क्षेत्रात स्वच्छता मोहिम राबवली. वॉर्ड क्रमांक १ व २ मधील शेळके मळा, हणबर गल्ली, मरगुबाई मंदिर चौक, बागडे गल्ली, नदी नाका, मुजावर गल्ली, श्रीपाद नगर, जय भवानी परिसर, बागवान पट्टी या परिसरामध्ये सकाळच्या सत्रात ही मोहिम घेतली. आरोग्य विभागाच्यावतीने ही स्वच्छता मोहीम घेतली. त्यामध्ये सुमारे ३०० कर्मचाऱ्यांनी सहभाग नोंदवला. सर्व रस्ते, गटारी, नाले, सारण गटारी यांची स्वच्छता केली. यावेळी १६ ट्रॅक्टर ट्रॉली, दोन कॉम्पॅक्टर वाहनांमधून कचरा उठाव केला. उपायुक्त सोमनाथ आढाव आणि आरोग्य अधिकारी डॉ. सुनिलदत्त संगेवार यांनी कर्मचाऱ्यांना आवश्यक त्या सूचना दिल्या. गटारीवरील अतिक्रमण झाल्याचे निदर्शनास आल्यानंतर अतिक्रमण काढून घेण्याच्या सूचना संबंधित नागरिकांना दिल्या. त्याचबरोबर या भागामध्ये रस्त्याकडेला आणि गटारीमधे शेण टाकल्याचे समोर आले. अशा नागरिकांवर दंडात्मक कारवाई करावी, अशा सक्त सूचना अधिका-यांनी संबंधित स्वच्छता निरीक्षक यांना दिल्या.