मोटारीची काच फोडून
लॅपटॉप, मोबाईलची चोरी
कोल्हापूर : ताराबाई पार्कातील मॉलबाहेर पार्क केलेल्या मोटारीची काच फोडून रोख रकमेसह किमती साहित्य चोरट्यांनी पळविले. विनोदकुमार आप्पासाहेब कांबळे (वय ५०, रा. शाहूवाडी) यांनी शाहूपुरी पोलिसांत फिर्याद दाखल केली. सायंकाळी सातच्या सुमारास हा प्रकार घडला. चोरट्याने रोख २५ हजार रुपये, लॅपटॉप, मोबाईल असे साहित्य चोरून नेले.
...
हॉस्पिटलमधून
मोबाईल चोरीस
कोल्हापूर ः न्यू शाहूपुरीतील हॉस्पिटलच्या कॅन्टीनमधून मोबाईल चोरीस गेल्याचा प्रकार समोर आला. विजय विनोद गावकर (वय ३६, रा. शिवाजी पेठ) यांनी याबाबत फिर्याद दिली. याप्रकरणी संशयित जितेंद्र जाधव याच्यावर गुन्हा दाखल करण्यात आला.
...
सर्पदंशाने वृद्धाचा मृत्यू
कोल्हापूर ः सर्पदंशाने उपचारास दाखल झालेले पांडुरंग शंकर सुतार (वय ७०, रा. शिरगाव, शाहूवाडी) यांचा मृत्यू झाला. शुक्रवारी (ता. ७) राहत्या घरानजीक त्यांना सर्पदंश झाल्याने मलकापूर रुग्णालयात दाखल करण्यात आले होते. प्रकृती गंभीर बनल्याने सीपीआरमध्ये आणले असता उपचारादरम्यान शनिवारी त्यांचा मृत्यू झाला. याची नोंद सीपीआर पोलिस चौकीत झाली.
...
कुत्र्याच्या चाव्यातील
तरुणाचा मृत्यू
कोल्हापूर ः खानापूर (ता. सांगली) येथे तीन महिन्यांपूर्वी कुत्र्याच्या चाव्याने जखमी झालेले असीफ अदाम मुल्ला (वय ३८) यांचा सीपीआरमध्ये मृत्यू झाला. राहत्या गावी त्यांना कुत्रे चावल्यानंतर वेळेत रेबीज इंजेक्शनचा कोर्स पूर्ण न झाल्याने त्याला त्रास सुरू होता. पुढील उपचारासाठी सीपीआरमध्ये आणले असता शनिवारी मृत्यू झाल्याची नोंद सीपीआर पोलिस चौकीत करण्यात आली.
...
बालक भाजून जखमी
कोल्हापूर ः तोल जाऊन चुलीत पडल्याने शिवम मिटके (वय १, रा. भुदरगड) हा चिमुकला जखमी झाला. शनिवारी दुपारी राहत्या घरी हा प्रकार घडला. जखमी अवस्थेत त्याला उपचारासाठी सीपीआरमध्ये दाखल करण्यात आले. याची नोंद सीपीआर पोलिस चौकीत झाली.