89116
पार्थ देवरूखकर- अश्‍विन नरसिंघानी
.......
अश्‍विन नरसिंघानीचे
राष्ट्रीय टेनिस स्पर्धेत यश

सकाळ वृत्तसेवा
कोल्हापूर, ता. ९ ः बंगळूर येथे झालेल्या अखिल भारतीय राष्ट्रीय मालिका टेनिस स्पर्धेत १८ वर्षांखालील मुलांच्या दुहेरीत कोल्हापूरच्या अश्‍विन नरसिंघानी याने महाराष्ट्राच्याच पार्थ देवरूखकर याच्या साथीने उपविजेतेपद पटकाविले.
त्याने या स्पर्धेत देवरूखकरच्या साथीने पहिल्या फेरीत सी. येले - ए. भट्टाचार्य (बंगळूर) या जोडीचा ६-२, ६-२ असा पराभव केला. उपांत्य लढतीत या जोडीने जे. ब्रायन (कर्नाटक) - केएस नितनबर्थ (चेन्नाई) या जोडीचा ६-२, ८-५ असा पराभव करीत उपांत्य फेरीत धडक मारली. उपांत्य फेरीत या जोडीने अमित मुंड (अहमदाबाद) - प्रत्युषराज गोयल (नोएडा) या जोडीवर ६-२, ७-५ असा विजय मिळवत अंतिम फेरीत प्रवेश मिळवला. अंतिम फेरीत मात्र या जोडीला बंगळूरच्या श्रीकर डोनी- केविन टायटस यांच्याकडून ७-५, २-६, ११-९ असा कडव्या झुंजीत पराभव स्वीकारावा लागला. अश्‍विन हा केडीएलटीएचा खेळाडू व अर्शद देसाई टेनिस अकादमीचा प्रशिक्षणार्थी आहे. त्याला प्रशिक्षक मनल देसाई यांचे प्रशिक्षण लाभले.
..........