भोगसंस्कृती मुक्तीसाठी
योगाची गरज ः
सिद्धेश्वर महास्वामी

गडहिंग्लज, ता. १९ ः अलीकडे भोगसंस्कृती वाढीला लागली आहे. ही संस्कृती मानवी जीवनाला योग्य नाही. या भोगसंस्कृतीतून अनेक व्याधींना आपण आमंत्रण देत आहोत. भोगसंस्कृतीपासून मुक्ती मिळवायची असेल तर योग साधनेची गरज आहे, असे मत येथील श्री जडेयसिद्धेश्वर आश्रमाचे प्रमुख सिद्धेश्वर महास्वामी यांनी व्यक्त केले.

येथील योग विद्या धाम व जडेयसिद्धेश्वर आश्रमाच्या संयुक्त विद्यमाने बेलबागेत आनंद साधना सुलभ योग प्राणायाम वर्गाचे उद्‍घाटन महास्वामींच्याहस्ते झाले. यावेळी बोलत होते. संस्थेचे कार्याध्यक्ष सदानंद वाली यांनी स्वागत केले. योग वर्गाचे प्रमुख मार्गदर्शक प्रा. शंकर खाडे, शारदा आजरी, योगशिक्षक सावळगी, शिवगोंडा खापरे, संतान बारदस्कर, सावंत, माने, चौगुले आदी उपस्थित होते. योगशिक्षक प्रा. गुरुलिंग खंदारे यांनी आभार मानले.