gad41.jpg

गडहिंग्लज ः साई मूकबधिर प्रशालेला संगणक प्रदानप्रसंगी सतीश पाटील, प्रकाश पताडे, राकेश पाटील यांच्यासह शिक्षक, विद्यार्थी उपस्थित होते.
------------------------------------------------------
संगणक शिक्षणातून मूकबधिरांना बळ
सतीश पाटील ः ''साई मूकबधिर''ला संगणक प्रदान
सकाळ वृत्तसेवा
गडहिंग्लज, ता. ४ ः आज जगभरात संगणकीय शिक्षण महत्त्वाचे ठरत आहे. त्याचा वापरही सर्वत्र होत आहे. परंतु मूकबधिर मुलांनाही नवीन तंत्रज्ञानाची ओळख व्हावी या हेतूने नवी मुंबईचे पोलिस उपायुक्त सुरेश मेंगडे यांनी साई मूकबधिर विद्यालयाला संगणक संच दिले असून, या शिक्षणातून विद्यार्थ्यांना बळ मिळणार आहे, असे प्रतिपादन जिल्हा परिषद माजी उपाध्यक्ष तथा संस्थेचे संस्थापक सतीश पाटील यांनी केले.
श्री. मेंगडे यांनी दिलेल्या या अत्याधुनिक संगणक संच शाळेला प्रदान केला. त्यावेळी ते बोलत होते. गोडसाखरचे संचालक प्रकाश पताडे, राष्ट्रवादी युवकचे तालुकाध्यक्ष राकेश पाटील यांची प्रमुख उपस्थिती होती. पाटील म्हणाले, मूकबधिर शाळेला गरजेचा असलेला संगणक मिळाल्याने विद्यार्थ्यांना संगणकाची ओळख होणार आहे. यामुळे संगणक शिक्षणाचे विद्यार्थ्यांचे स्वप्न पूर्ण होणार आहे. आप्पासाहेब पाटील, दीपक घोरपडे, शिवाजी राणे आदी उपस्थित होते.