दौलतनगरात एकास मारहाण
कोल्हापूर : दौलतनगरात बुधवारी मध्यरात्री झालेल्या मारहाणीत अर्जुन मनोहर शिंदे (वय ३२, मूळ रा. वाकरे फाटा, करवीर) जखमी झाला. मध्यरात्री दोनच्या सुमारास हा प्रकार घडला. जखमीला पहाटे उपचारासाठी सीपीआरमध्ये दाखल करण्यात आले. याची नोंद सीपीआर पोलिस चौकीत करण्यात आली.
...
विषारी द्रव प्यायलेल्या
वृद्धाचा मृत्यू
कोल्हापूर : विषारी द्रव प्यायल्याने प्रकृती गंभीर बनलेले निजाम काशीम ताशिलदार (वय ६६, रा. ऐनापूर, गडहिंग्लज) यांचा उपचारादरम्यान मृत्यू झाला. बुधवारी पहाटे तीनच्या सुमारास राहत्या घरी विष प्यायल्याने गडहिंग्लज उपजिल्हा रुग्णालयात प्रथमोपचारानंतर सीपीआरमध्ये दाखल करण्यात आले होते. उपचार सुरू असताना बुधवारी रात्री त्यांचा मृत्यू झाला.
...
मारहाणीत मायलेक जखमी
कोल्हापूर : गांधीनगर इंदिरा वसाहतीत झालेल्या भांडणात जखमी झाल्याने मायलेकीला उपचारासाठी सीपीआरमध्ये दाखल करण्यात आले. पूजा केदार बन्ने व सोनाली केदार बन्ने अशी जखमींची नावे आहेत. दोघींवर सीपीआरमध्ये उपचार सुरू आहेत.
...
धक्का लागल्याने
हातोडीने मारहाण
कोल्हापूर : गल्लीमध्ये खेळताना धक्का लागल्याच्या रागातून काशिनाथ राजू कांबळे (वय १९, रा. विचारेमाळ) याला हातोडीने मारहाण करण्यात आली. याप्रकरणी फिरोज सय्यद उर्फ हँग फिरोज (रा. शाहू कॉलेजजवळ) याच्यावर शाहूपुरी पोलिसांत गुन्हा दाखल करण्यात आला. गुरुवारी दुपारी दोनच्या सुमारास हा प्रकार घडला.