‘अकरावी’च्या दुसऱ्या फेरीचा
आज अखेरचा दिवस

कोल्हापूर ः शहरातील विविध २९ कनिष्ठ महाविद्यालयांतील विज्ञान आणि वाणिज्य इंग्रजी माध्यमाच्या प्रवेशाची दुसरी फेरी बुधवारपासून सुरू झाली. त्याच्या दुसऱ्या दिवशी आज एकूण २३८ विद्यार्थ्यांनी प्रत्यक्ष प्रवेशाची कार्यवाही पूर्ण केली. त्यात विज्ञानचे १३७ आणि वाणिज्यच्या विद्यार्थ्यांची संख्या १०१ इतकी आहे. या दुसऱ्या फेरीमध्ये प्रत्यक्ष प्रवेश निश्चिती प्रक्रिया सध्या सुरू आहे. त्यात आतापर्यंत ४०५ विद्यार्थ्यांनी प्रवेश प्रक्रिया पूर्ण केली आहे. त्यात विज्ञानच्या २४४ आणि १६१ वाणिज्य शाखेच्या विद्यार्थ्यांचा समावेश आहे. प्रत्यक्ष प्रवेशाचा उद्या, शुक्रवार अखेरचा दिवस आहे. त्यानंतर केंद्रीय प्रवेश प्रक्रिया समितीकडून तिसऱ्या फेरीसाठी ऑनलाईन अर्ज स्वीकारण्याची प्रक्रिया सुरू होणार आहे.