दुचाकीसह खड्ड्यात
पडून वृद्धा गंभीर
कोल्हापूर, ता. ४ ः भाऊसिंगजी रोडवरील करवीर तहसीलदार कार्यालयाच्या पायाभरणीसाठी काढण्यात आलेल्या खड्ड्यात पडून आनंदी मधुकर परब (वय ७७, रा. सोमवार पेठ) गंभीर जखमी झाल्या. नातेवाइकांसोबत दुचाकीवरून मंदिरात निघाल्या होत्या. गुरुवारी रात्री त्यांची दुचाकी घसरल्याने त्या खड्ड्यात पडल्या.
करवीर तहसीलदार कार्यालयाचे बांधकाम सुरू असून या ठिकाणी मोठ्या प्रमाणात खोदाई करण्यात आली आहे. तसेच बाजूच्या रस्त्यावरही चिखल झाल्याने हा अपघात घडला. परब यांच्या डोक्याला, बरगड्यांना दुखापत झाल्याने खासगी रुग्णालयात हलविण्यात आले. अपघातात त्यांचा नातेवाईकही खड्ड्यात पडल्याने जखमी झाला.