‘ओंकार’मध्ये
कार्यशाळा
गडहिंग्लज : येथील ओंकार महाविद्यालयात पदवीनंतरच्या रोजगार संधी या विषयावर कार्यशाळा झाली. माजी विद्यार्थी असोसिएशनतर्फे कार्यशाळा झाली. सौदागर हणमंते यांनी साधन व्यक्ती म्हणून मार्गदर्शन केले. प्रभारी प्राचार्य डॉ. अनिल पाटील अध्यक्षस्थानी होते. संचालक गजानन गिजवणेकर यांची प्रमुख उपस्थिती होती. श्री. हणमंते यांनी मराठी ही ओठाची भाषा असली तरी इंग्रजी ही आपल्या पोटाची भाषा आहे. त्यामुळे इंग्रजीवरही प्रभुत्व मिळवा असा सल्ला दिला. डॉ. के. आर. तनंगे यांनी प्रास्ताविक केले. डॉ. ज्ञानराजा चिघळीकर, प्रा. सुषमा पाटील, प्रा. श्रद्धा बनसोडे, प्रा. सचिन पाटील, सुभाष कांबळे आदी उपस्थित होते. शर्वरी पाटील यांनी आभार मानले.