ich87.jpg 95822
मुंबई ः वस्त्रोद्योग तज्‍ज्ञ समितीची बैठक मंत्री चंद्रकांत पाटील यांच्या उपस्थितीत झाली. यावेळी उपस्थित मंत्री दादा भुसे, आमदार प्रकाश आवाडे आदी.

वस्त्रोद्योगातील प्रलंबित
प्रश्नासंदर्भात सविस्तर चर्चा

मुंबई तज्‍ज्ञ समितीची बैठक
इचलकरंजी, ता. ८ ः राज्यातील वस्त्रोद्योगातील प्रलंबित प्रश्नासंदर्भात सोमवारी मुंबईत समितीची बैठक झाली. वस्त्रोद्योग मंत्री चंद्रकांत पाटील अध्यक्षस्थानी होते. बैठकीत प्रलंबित प्रश्नांबाबत सविस्तर चर्चा करण्यात आली. त्यानंतर काही महत्वाचे निर्णय घेण्यात आले. हे निर्णय लवकरच जाहीर करण्यात येतील, अशी माहिती समिती सदस्य आमदार प्रकाश आवाडे यांनी दिली.
राज्यातील यंत्रमागधारकांच्या समस्यांचा अभ्यास करुन त्यावर उपाययोजना सुचविण्यासाठी लोकप्रतिनिधींच्या तज्‍ज्ञ समिती नेमण्यात आली आहे. या समितीने सर्व बाबींचा विचार करून उपाययोजना संदर्भात अहवाल तयार केला आहे. हा अहवाल मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार, वस्त्रोद्योग मंत्री पाटील यांच्याकडे सुपूर्द केला आहे. त्या विषयावर पाटील यांच्या अध्यक्षतेखाली आज रात्री प्रदीर्घ काळ बैठक झाली.
यामध्ये मल्टीपार्टी कनेक्शन, वीज सवलत, व्याज सवलत, वीज सवलतीसाठीची ऑनलाईन व ऑफलाईन नोंदणी रद्द करणे यासह प्रलंबित विषयांवर सविस्तर चर्चा करून निर्णय घेण्यात आले. या सर्व निर्णयांची लवकरच घोषणा केली जाणार आहे. बैठकीस अभ्यास समितीचे अध्यक्ष दादा भुसे, आमदार आवाडे, रईस शेख, सुभाष देशमुख, वस्त्रोद्योग सचिव वीरेंद्र सिंग, उपसचिव श्रीकृष्ण पवार, महावितरण व संबंधित विभागाचे अधिकारी उपस्थित होते.