95840
गडहिंग्लज : शहीद जवानांच्या घराजवळील माती कलशाच्या पूजनप्रसंगी विजय कातोरे, रेखा खैरनार, कुमार पाटील आदी उपस्थित होते.
....
शहीद अशोक बिरंजे यांच्या
घराजवळील मातीचे संकलन

सकाळ वृत्तसेवा
गडहिंग्लज, ता. ९ : कारगिल विजय दिनाच्या रौप्यमहोत्सवी वर्षानिमित्त कारगिल युद्धात शहीद झालेल्या महाराष्ट्रातील २५ जवानांच्या घराजवळील व स्मारकाजवळील माती संकलित केली जात आहे. वैरागवाडी (ता. गडहिंग्लज) येथील शहीद जवान अशोक बिरंजे यांच्या घराजवळील माती कलशात घेण्यात आली.
नाशिकहून राष्ट्रप्रथम सोशल फाऊंडेशनचे अध्यक्ष माजी सैनिक विजय कातोरे व वीरपत्नी रेखा खैरनार यासाठी आले होते. त्यांचे येथील जय जवान जय किसान फाउंडेशनतर्फे स्वागत करण्यात आले. येथील दसरा चौकातील छत्रपती शिवाजी महाराजांच्या पुतळ्याजवळ कलशांचे पूजन करण्यात आले. याप्रसंगी अध्यक्ष कुमार पाटील, सचिव रामकृष्ण शेंडे, सुभाष इंगळे, बाळासाहेब पोवार, सुभाना गावडे, जयवंत नगरे, काशिनाथ पोवार, मारुती पाटील, भरत येल्लुरे आदी उपस्थित होते.
......