अर्जुन गोळे यांनी स्वीकारला
जि. प. पाणीपुरवठ्याचा पदभार

कोल्हापूर, ता. २९ : जिल्हा परिषदेच्या ग्रामीण पाणीपुरवठा विभागाच्या कार्यकारी अभियंतापदी अर्जुन गोळे यांनी आज पदाभार स्वीकारला. या पदावर वैजनाथ कराड हे प्रभारी म्हणून काम पाहत होते.
जिल्हा परिषदेच्या ग्रामीण पाणीपुरवठा विभागाचे कार्यकारी अभियंता हे पद रिक्त होते. हा विभाग प्रभारी अधिकारी यांच्याकडूनच चालवला जात होता. आज श्री. गोळे यांची पदावर नियुक्ती झाली आहे. त्यामुळे या विभागाला आता पूर्णवेळ अधिकारी मिळाले आहेत. गोळे यांनी यापूर्वी गडचिरोली जिल्हा परिषदेमध्ये ग्रामीण पाणीपुरवठा उपअभियंता म्हणून, डिसेंबर २०२१ मध्ये पनवेल येथील महाराष्ट्र जीवन प्राधिकरण जलव्यवस्थान उपविभागाचे उप अभियंता म्हणून काम पाहिले आहे. त्यानंतर पदोन्नतीवर ते मे २०२३ मध्ये ठाणे जिल्हा परिषदेमध्ये ग्रामीण पाणी पुरवठा विभागाचे कार्यकारी अभियंता, मुंबई येथील मध्यवर्ती कार्यालय येथे आणि आता कोल्हापूर जिल्हा परिषदेमध्ये कार्यकारी अभियंता म्हणून रुजू झाले आहेत. त्याचे स्वागत प्रभारी अभियंता श्री. कराड यांनी केले.