‘होमगार्ड’च्या
मैदानी चाचणीला
पावसामुळे स्थगिती

कोल्हापूर : गृहरक्षक दलाच्या (होमगार्ड) भरतीसाठी उद्यापासून (ता. २८) होणारी कागदपत्रांच्या पडताळणीसह मैदानाची चाचणीची प्रक्रिया पावसामुळे स्थगित केल्याची माहिती जिल्हा समादेशक तथा अपर पोलिस अधीक्षक जयश्री देसाई यांनी दिली.
उद्यापासून ते ३० सप्टेंबर या कालावधीत होमगार्डमधील महिला व पुरुष भरतीची प्रक्रिया पोलिस कवायत मैदानावर होणार होती. पहिल्या दिवशी कागदपत्रांची छाननी तर त्यानंतर टप्प्याटप्प्याने शारीरिक चाचणी होणार होती. पण, आठ दिवसांपासून जिल्ह्यात सुरू असलेल्या मुसळधार पावसामुळे शारीरिक व मैदानी चाचणी घेणे शक्य नसल्याने व या दरम्यान उमेदवारांना काही होऊ नये याची खबरदारी घेत ही प्रक्रिया स्थगित केल्याची माहिती देसाई यांनी दिली. या भरतीची नवी तारीख व वेळ संकेतस्थळावर प्रसिद्ध केली जाईल, असेही या आदेशात म्हटले आहे.