8225
गडहिंग्लज ः मुश्रीफ फाउंडेशन व राष्ट्रवादीतर्फे गणराया अवॉर्डचे वितरण पालकमंत्री हसन मुश्रीफ यांच्याहस्ते झाले. यावेळी फाउंडेशन व पक्षाचे कार्यकर्ते उपस्थित होते.
............
गडहिंग्लजसाठी कार्डियाक अॅम्ब्युलन्स

मुश्रीफांची घोषणा ः फाउंडेशन व राष्ट्रवादीतर्फे गणराया अवॉर्डचे वितरण

सकाळ वृत्तसेवा
गडहिंग्लज, ता. ३० ः ‘हसन मुश्रीफ फाउंडेशनतर्फे गडहिंग्लज नगरपरिषदेसाठी रुग्णवाहिका दिली होती. त्याला बरीच वर्षे झाली. यामुळे फाउंडेशनतर्फेच पुन्हा एक अत्याधुनिक व सुसज्ज कार्डियाक अॅम्ब्युलन्स लवकरच पालिकेला प्रदान करू,’ अशी घोषणा पालकमंत्री हसन मुश्रीफ यांनी आज येथे केली.
हसन मुश्रीफ फाउंडेशन व राष्ट्रवादीतर्फे दरवर्षी दिल्या जाणाऱ्या गणराया अवॉर्ड वितरण कार्यक्रमात ते बोलत होते. त्यांच्याहस्ते विविध मंडळांना गणराया अवॉर्डने सन्मानित करण्यात आले. मुश्रीफ म्हणाले, ‘गतवर्षी पोलिसांनी अनेक मंडळांवर आवश्यक नसतानाही दाखल केलेले गुन्हे मागे घेण्यासाठी पोलिस अधिकाऱ्यांशी चर्चा करू. मंडळांनी डॉल्बी लावू नये. पारंपरिक वाद्यांमध्ये मिरवणुका काढा व उत्सवाचे पावित्र्य राखा. तुमच्या थर्मामीटरमध्ये माझे काम बसत असेल तरच मंडळांनी मला साथ द्यावी. त्यासाठी कोणावरही जबरदस्ती असणार नाही.’
अरविंद बारदेस्कर, किरण म्हेत्री यांची भाषणे झाली. अमर मांगले यांनी मुश्रीफ फाउंडेशनच्या सामाजिक कार्याचा आढावा घेतला. राष्ट्रवादी युवकचे शहराध्यक्ष रामगोंडा पाटील यांनी मंडळांवरील गुन्हे मागे घेण्यासह मंडळांचे गणशोत्सवातील वीज बिले माफ करण्याची मागणी केली. यावेळी किरण कदम, सुरेश कोळकी, महेश सलवादे, उदय पाटील, दीपक कुराडे, संतोष कांबळे, महेश गाडवी, अण्णासाहेब देवगोंडा आदी उपस्थित होते. आशपाक मकानदार यांनी सूत्रसंचालन केले.
....
चौकट...
गणराया अवॉर्ड विजेते
उत्कृष्ट गणेशमूर्ती अवॉर्ड ः संयुक्त पेठ, महालक्ष्मी, काळभैरव, बसवेश्वर तरुण मंडळ. उत्कृष्ठ तांत्रिक देखावा ः आदर्श, न्यू गणेश, आकर्षक फ्रेंडस, गांधीनगर यूथ सर्कल, उत्कृष्ठ सामाजिक कार्य ः भीमराज, युनिव्हर्सल फ्रेंडस सर्कल, विजेता, शिवगर्जना, उत्कृष्ट पर्यावरणपूरक अवॉर्ड ः संभाजी तरुण मंडळ, साई, हाळलक्ष्मी, एकता मंडळ. उत्कृष्ट मिरवणूक ः शिवप्रेमी, आझाद, सम्राट व नदीवेसचा राजा मंडळ. या सर्वांना रोख पारितोषिक, सन्मानचिन्ह व प्रमाणपत्र देवून गौरविण्यात आले.