जिल्ह्यातील सर्वच जागा
लढविण्याचा निर्णय

रिपब्लिकन पार्टी ऑफ इंडिया ( ए) चा कार्यकर्ता मेळावा

सकाळ वृत्तसेवा
कोल्हापूर, ता. ३० ः आगामी विधानसभा निवडणुकीत जिल्ह्यातील दहा विधानसभा मतदारसंघांत पक्षाचा उमेदवार उभा केला जाईल. याबाबत आज झालेल्या निर्धार मेळाव्यात हा निर्णय एकमताने झाला, अशी माहिती रिपब्लिकन पार्टी ऑफ इंडिया (ए) चे राज्य उपाध्यक्ष दादासाहेब ओव्हाळ यांनी पत्रकार परिषदेत दिली.
ओव्हाळ म्हणाले, ‘‘आगामी विधानसभा निवडणुकांबाबत मुंबईत पक्षाच्या कार्यालयात झालेल्या बैठकीत अध्यक्ष दीपक निकाळजे यांनी २८८ विधान मतदारसंघांपैकी २०० हून अधिक जागा स्वबळावर लढविण्याची सूचना केली होती. त्यानुसार आज शाहू स्मारक भवनात प्रदेश महिला आघाडी अध्यक्षा सुनीता चव्हाण यांच्या प्रमुख उपस्थितीत निर्धार मेळावा झाला. यात दहापैकी दहाही जागांवर पक्षाचे उमेदवार उभे करण्याचा निर्धार केला. कोल्हापूर उत्तरमधून पश्‍चिम महाराष्ट्र अध्यक्षा रुपाताई वायदंडे व हातकणंगले मतदारसंघातून डॉ. गणेश वाईकर यांची उमेदवारी जाहीर केली. तर पाच विधानसभा मतदारसंघनिहाय प्रभारी व अध्यक्षांची नियुक्ती केली. प्रभारी म्हणून महपती खिल्लारे, अध्यक्ष डॉ. गणेश वाईकर (हातकणंगले), तर प्रभारी डॉ. छाया साठे, अध्यक्ष म्हणून शबाना नदाफ ( इचलकरंजी), कोल्हापूर (दक्षिण) मधून प्रभारी म्हणून शेरू हळदीकर, अध्यक्ष म्हणून विश्‍वास तरटे आणि कोल्हापूर (उत्तर) मधून प्रभारी म्हणून पुष्पा नलवडे, तर अध्यक्ष म्हणून अमर तांदळे व करवीरमधून प्रताप बाबर प्रभारी, तर अध्यक्ष म्हणून सरदार आमशीकर यांचा समावेश आहे. यावेळी महाराष्ट्र राज्य संघटक कैलास जोगदंड, सांगली जिल्हाध्यक्ष महादेव होवाळ, कोल्हापूर जिल्हाध्यक्ष विश्‍वास तरटे, शहराध्यक्ष प्रताप बाबर आदींसह कार्यकर्ते उपस्थित होते.