फोटो 16117

सुरम्या चित्र प्रदर्शन आजपासून

सकाळ वृत्तसेवा
कोल्हापूर, ता. ४ ः येथील राजर्षी शाहू स्मारक भवनातील कलादालनात उद्यापासून (शनिवार) विविध व्यवसायात कार्यरत चार कलाकारांच्या चित्रांचे सुरम्या प्रदर्शन होणार आहे. नऊ ऑक्टोबरपर्यंत प्रदर्शन सर्वांसाठी खुले राहील.
डॉ. तेजू देवकुळे व्यवसायाने दंत चिकित्सक आहेत. आपल्या व्यवसायातून वेळ काढून त्यांनी ग्लास पेंटिंग ही कला जोपासली आहे. ग्लास पेंटिंग कलेचा अठराव्या शतकात गुजरातमध्ये उगम झाला. त्यामध्ये त्यांचे कौशल्य आहे. शिवानी आंबर्गे अर्ध अमूर्त शैलीमध्ये काम करतात. सर्वसाधारण प्रसंगांमधून सौंदर्याचा शोध घेऊन आपल्यातील सर्जनशीलतेच्या ऊर्जेतून अर्ध अमूर्त मास्टर पीसमध्ये त्या परिवर्तन करतात. सूरज शर्मा हे डिझाईन इंजिनियर आहेत. डिजिटल क्विलिंग कलेमध्ये त्यांचा हातखंडा आहे. उबेद दारूवाला हे कला व अध्यात्म यांचे जवळचे नाते अधोरेखित करतात. प्रदर्शनाला सर्वांनी उपस्थित राहावे, असे आवाहन त्यांनी केले आहे.