देवर्डे हायस्कूलमध्ये वन्यजीव सप्ताह
आजरा ः देवर्डे (ता. आजरा) येथील रवळनाथ हायस्कूलमध्ये वन्यजीव सप्ताह साजरा झाला. आजरा वनपरिक्षेत्र कार्यालयअंतर्गत वन परिमंडळ धनगरमोळा यांच्यावतीने कार्यक्रमाचे आयोजन केले होते. आजरा परिक्षेत्र वनअधिकारी मनोजकुमार कोळी यांच्या मार्गदर्शनाखाली उपक्रम झाला. मुख्याध्यापक सुभाष सावंत अध्यक्षस्थानी होते. देवेंद्र शिखरे यांनी स्वागत व प्रास्ताविक केले. वनरक्षक सुनीता मंटुरे यांनी मार्गदर्शन केले. यावेळी वृक्षारोपण करण्यात आले. कार्यक्रमास वनपाल भरत निकम, वनरक्षक गणेश लहाने, संजय दुंडगे, वनसेवक रमेश पाटील, आनंदा सावंत, दिनकर हाळवणकर, बबन फर्नांडिस, शिक्षक, विद्यार्थी उपस्थित होते. राजेंद्र पाटील यांनी आभार मानले.