फोटो 17661
.......
आयात-निर्यातविषयक उद्योगांत रोजगाराच्या संधी
डॉ. ओंकार माळी; विद्यापीठात समाजशास्त्र अधिविभागातर्फे कार्यशाळा

सकाळ वृत्तसेवा
कोल्हापूर, ता. ९ ः आयात आणि निर्यातविषयक उद्योगांमध्ये रोजगाराच्या अनेक संधी आहेत. कष्ट करण्याची तयारी असणाऱ्या युवकांनी यामध्ये उतरावे, असे आवाहन उद्यमी महाराष्ट्र संस्थेचे संस्थापक अध्यक्ष डॉ. ओंकार हरी माळी यांनी केले.
शिवाजी विद्यापीठाचा समाजशास्त्र अधिविभाग, इनोव्हेशन, इन्क्युबेशन अँड लिंकेजेस केंद्र आणि शिवाजी युनिव्हर्सिटी रिसर्च अँड डेव्हलपमेंट फाउंडेशनतर्फे आयोजित ‘आयात-निर्यात’ या विषयावर त्यांचे व्याख्यान झाले. अध्यक्षस्थानी प्र-कुलगुरू डॉ. प्रमोद पाटील होते.
डॉ. माळी म्हणाले, ‘आयात-निर्यात व्यवसायाचे उद्योग क्षेत्रात महत्वाचे स्थान आहे. देशासह महाराष्ट्रासोबत स्वतःचा आर्थिक व सामाजिक विकास साधण्यासाठी या क्षेत्रामध्ये तरुणांनी करिअर करण्यासाठी पुढे यावे. त्यासाठी कंपनी रजिस्ट्रेशन, आवश्यक परवाने, टर्म्स पेमेंट-ॲडव्हान्स पेमेंट आदी तांत्रिक बाबींचा योग्य अभ्यास गरजेचा आहे.’
प्र-कुलगुरू डॉ. पाटील म्हणाले, ‘विद्यार्थ्यांनी नोकरी व सेवा क्षेत्रापलिकडे चाकोरीबाहेरील उद्योग-व्यवसायांमधील करिअर संधींचा विचार करावा. शिक्षण घेत असतानाच अशा संधींचा शोध घेणे आणि त्यासाठी आवश्यक तयारी करायला हवी.’
डॉ. सागर डेळेकर, प्रकाश राऊत, जगन कराडे, प्रल्हाद माने, राजेंद्र सोनकवडे आदी उपस्थित होते. समाजशास्त्र अधिविभागप्रमुख डॉ. प्रतिमा पवार यांनी स्वागत केले. मयुरेश पाटील यांनी परिचय करून दिला. आकाश ब्राह्मणे यांनी सूत्रसंचालन केले. डॉ. प्रतिमा देसाई यांनी आभार मानले.