फोटो क्रमांक ः GAD67.JPG

29997
नूल, जरळी प्रशालेमध्ये
नडगदल्लींचा स्मृतिदिन
नूल, ता. ७ ः येथील श्री रामलिंग हायस्कूल आणि जरळी हायस्कूलमध्ये हिरण्यकेशी पंचक्रोशी शिक्षण प्रसारक मंडळाचे संस्थापक अध्यक्ष कै. बाबूराव नडगदल्ली यांचा ३३ वा स्मृतिदिन विविध उपक्रमांनी झाला.
श्री रामलिंग हायस्कूलचे मुख्याध्यापक राजेंद्र गायकवाड यांच्या अध्यक्षतेखाली झालेल्या कार्यक्रमास सुभाष मिरजे प्रमुख पाहुणे होते. कै. नडगदल्ली यांच्या प्रतिमेचे पूजन आणि रांगोळी स्पर्धेचे उद्घाटन मिरजे यांच्याहस्ते झाले. गायकवाड यांनी कै. नडगदल्ली यांच्या कार्याची माहिती दिली. यानिमित्त हस्ताक्षर स्पर्धाही झाल्या. पी. एस. काकडे यांनी प्रास्ताविक केले. बी.ए. बाबाणावर, प्रेमला कदम, लता सूर्यवंशी, सुरेश तेली उपस्थित होते. एम. टी. मांगले यांनी सूत्रसंचालन केले. ए. के. फुटाणे यांनी आभार मानले. जरळी हायस्कूलमध्ये उपक्रमांनी स्मृतिदिन झाला. मुख्याध्यापक आर. के. शिंदे यांच्याहस्ते प्रतिमापूजन झाले. शिंदे यांनी कै. नडगदल्ली यांच्या कार्याचा आढावा घेतला. यानिमित्त भाषण व रंगभरण स्पर्धा झाल्या. उज्ज्वला जामुनी यांनी प्रास्ताविक केले. साहिल तराळ यांचे भाषण झाले. नंदकुमार लोंढे, महादेव धनगर, विवेक मास्तोळी उपस्थित होते. लक्ष्मी मगदूम यांनी आभार मानले.